Lajm i madh për Kosovën: Çekia mbetet pa asnjë sulmues, dëbohet nga klubi i tij ylli më i madh

Patrik Schick është ylli më i madh i Kombëtares së Çekisë në futboll, kategoria e meshkujve. Ai në dy vitet e fundit luajti për gjigantin italian Roma, ku në 46 ndeshje arriti të realizonte vetëm 5 gola. Por, gjatë kësaj periudhe kohore ai shkëlqeu për kombëtaren e tij, dhe deri tash në 18 ndeshje ka shënuar 8 gola.

Schicku nuk është në planet e trajnerit portugez të Romës, Paulo Fonseca. Tashmë, një numër i madh ekipesh kanë shprehur interesim për shërbimet e tij, përfshirë RB Leipzigun dhe Schalke 04-shin, shkruan Periskopi.

E derisa fati i tij ende nuk është përcaktuar derisa 7 shtatori afron, Schick vazhdon të mos luajë dhe për t’u ambientuar në ekipin e ri do t’i mbeten vetëm disa ditë.

Kombëtarja e Çekisë ka edhe të tjerë sulmues të rrezikshëm, por të cilët nuk i afrohen nivelit të Schickut.

Një prej tyre është Matej Vydra, dhe i cili po ashtu nuk po luan dhe nuk po ka sukses në Premier Ligë te Burnley. Ai për Çekinë ka luajtur 26 herë dhe ka shënuar 5 gola.

Veç tij, në sulmin çek është edhe Libor Kozak, ish anëtari i Lazios, Aston Villas e Brescias, por që aktualisht ka rënë në nivel dhe luan për Spartën e Pragës.

Pa kurrfarë dyshimi që këto probleme të Çekisë në sulm i konvenojnë tej mase Kosovës. /Periskopi