E pat edhe Pogba – ajo që sapo kanë bërë fansat dëshmon se koha e francezit në klub ka marrë fund

Një grafit jashtë kompleksit stërvitor të Manchester UnitedIT, në Carrington, është bërë me spraj të kuq, duke përftuar mesazhin “Pogba Out”.

Ky është veprimi i radhës, me siguri i bërë nga tifozët e zemëruar me yllin francez, mes spekulimeve për të ardhmen e mesfushorit.

Kampioni i botës u përball me kritika të ashpra së fundi, pasi humbi një penallti kundër Wolves. Duke qenë i lidhur shumë me një largim nga “Old Trafford”, me Zinedine Zidane të prirur për ta marrë te Real Madridi, e ardhmja afatgjatë e Pogba në klubin aktual mbetet e pasigurt.

Photo: ‘Pogba Out’ has been spray-painted on a sign outside Carrington #mulive [sun via @MUnitedFR] pic.twitter.com/SvcC1SYy0C

— utdreport (@utdreport) August 28, 2019

Ky grafit, bashkë me mesazhin përkatës, vjen në një kohë kur duket se disa tifozë po e humbasin durimin me 26-vjeçarin.

Manchester United nuk po rikthehet në lavdinë e dikurshme, gjë për të cilën bëhet përgjegjës lojtari më i paguar i ekipit.

Pogba është vënë në shënjestër edhe për faktin se kësaj vere, më parë, kishte thënë se dëshiron një sfidë të re.

Pas humbjes së penalltisë, Pogba ishte në shënjestër të abuzimit të egër racist në rrjetet sociale. /Periskopi.com/