Barcelona i stërvitë rezervistët me Betisin – Griezmann magjik me gola dhe me xixa

Ta lëmë anash faktin se Barcelona e demoloi sonte 5-2 Real Betisin në “Camp Nou” pa Leo Messin, Luis Suarezin dhe Ousmane Dembelen në përbërje, le ta vlerësojmë pak festimin me xixa të Griezmannit.

Pasi shënoi golin e dytë për Barçën ai vrapoi drejt fansave, i mori disa… hajt po i quajmë ‘xixa’ dhe i hodhi lartë.

Shikoni më poshtë.

GRIEZMANN WITH THE LEBRON JAMES CHALK TOSS CELLY pic.twitter.com/kxND06icJr

— Arthur Kogan (@TheRealArturK) August 25, 2019

Ia vlejti t’i humbim nja dy-tri paragrafe për ta komentuar këtë, apo jo?

Tash, t’i kthehemi seriozitetit.

Barça fillimisht e gjeti veten në disavantazh në minutën e 15-të, me Nabil Fekirin që kaloi mysafirët në epërsi.

Por që nga ai moment e tutje, spektakli u garantua për Barcelonën, që shënoi plot pesë gola.

Dy Griezmann (41′, 50′) një Carles Perez (56′), një Jordi Alba (60′) dhe një nga Arturo Vidal (77′).

Betisi mund të nxirret dhe të lavdohet me faktin se shënoi golin më të bukur të ndeshjes në minutën e 79-të kur Loren Moron lansoi një bombë absolute, asi C4, drejt portës blaugrane.

Kjo ishte e tëra sa i përket komentimit, e tash ju njoftojmë se pas kësaj fitore Barcelona grumbullon pikët e para në La Liga për këtë sezon, e për Betisin… s’dimë ç’të themi.

Në fakt, dimë diçka po jo shumë. Mbetet në vendin e 20-të me 0 pikë dhe goldallim prej -4.