Zyrtare: Kosovari nënshkruan me Galatasaray

Reprezentuesi i rregullt i Kosovës U17, Oltion Bilalli në orët e hershme të ditës së djeshme apo më saktë në ora 03.30 u nis drejtë Stambollit, për t’iu bashkuar gjigantit turk Galatasaray.

Oltioni i cili ishte pjesë e Besëlidhjës që nga viti 2013, duke shënuar më shumë se 240 gola zyrtarë në të gjitha kategoritë e klubit nga Prishtina, tash e tutje do të jetë anëtar i Galatasaray që ka vendosur ta transferojë talentin kosovar nga Besëlidhja që ka nënshkruar marrëveshje bashkëpunimi tash e pesë vite me klubin e madh turk, dhe talentët nga kjo shollë do të kalojnë menjëherë në Turqi, raporton Korneri, transmeton Periskopi.

Këtë e bëri Oltioni që ka qenë disa herë në prova te Galatyasaray, derisa ëndrra e tij u bë realitet praktikisht ditën e premte (sot), me ç’rast udhëtoj drejtë Stambollit për të nis aventurën e tij të parë serioze në karrierë.

Bilalli fillimisht do të jetë pjesë e Akademisë së Galatasaray, por stërvitjet do t’i ketë edhe me skuadrën e parë për disa ditë, sipas marrëveshjes.

Pa asnjë dyshim ëndrra e tij është që një ditë dhe atë shumë shpejt të jetë anëtar i ekipit të parë, pasi për momentin nuk ka drejtë lojë deri me 3 janar kur ai i mbush 18 vjet, andaj kështu edhe deklaroi për redaksinë tonë.

“Fillimisht i falënderoj shumë zyrtarët e klubit Besëlidhja, Dritonin, Ademin dhe Edonin, që kanë bërë çmos që unë ta përjetoj këtë ndjenjë të madhe që të jem pjesë e një klubi të madh siç është Galatasaray. E imja tashmë është të punoj shumë, dhe shpejtë të kaloj te skuadra e parë”, deklaroi Oltioni për redaksinë tonë e cila ishte prezente në aeroportin “Adem Jashari”, kur u nis drejt Stambollit. /Periskopi.com/