një orë më parëVedat Muriqi i Kosovës te kampioni turk, Shkodran Mustafi i Gjermanisë te vendi i gjashtë
Periskopi(7 vite më parë)
(7 vite më parë)Duket se Kombëtarja e Kosovës në futboll është shndërruar në një ogur të mirë apo në një fatsjellëse për lojtarët që e zgjedhin atë. Pas transferimit të komandantit të mbrojtjes, Amir Rrahmanit, te ekipi i Serie A-së në Itali, Hellas Verona, edhe Vedat Muriqi po bën një hop të madh në karrierë, shkruan Periskopi. Ai […]
Duket se Kombëtarja e Kosovës në futboll është shndërruar në një ogur të mirë apo në një fatsjellëse për lojtarët që e zgjedhin atë.
Pas transferimit të komandantit të mbrojtjes, Amir Rrahmanit, te ekipi i Serie A-së në Itali, Hellas Verona, edhe Vedat Muriqi po bën një hop të madh në karrierë, shkruan Periskopi.
Ai e ka konfirmuar vetë se do të largohet nga Çaykur Rizespori për të kaluar te kampioni i Turqisë, Galatasaray.
Ndërkohë, së voni, transferim të qëlluar ka bërë edhe Mërgim Vojvoda i cili po shkëlqen për ekipin e Standard Liege në Belgjikë.
Por, i njëjti fat nuk po i përcjell lojtarët që e kanë refuzuar kombëtaren tonë. Granit Xhaka po fyhet në vazhdimësi nga tifozët e Arsenalit për shkak të formës së dobët dhe mund të largohet nga ky klub.
Ndërkohë, lajmi më i keq është për Shkodran Mustafin, i cili po lidhet me një kalim për në Fenerbahçe pas formës katastrofale në Emirates Stadium me Arsenalin. Fenerbahçe në vitin e fundit u rëndit në vendin e 6 në kampionatin turk, duke mos mundur të kualifikohej as për Europa Ligë.
