Takefusa Kubo u vlerësua si lojtari më i mirë i Realit në humbjen kundër Atleticos – shikoni paraqitjen e tij

Autoriteti i Takefusa Kubos është rritur dukshëm në disa javët e fundit.

Mesfushori me tipare sulmuese nga Japonia, i cili erdhi në “Bernabeu” nga Tokio në qershor, ka qenë një prej performuesve më të mirë të Realit në parasezon, transmeton Periskopi.

Kubo refuzoi top klube si Barcelona, për të cilën kishte luajtur më herët për grupmoshat e reja, për të nënshkruar me Real Madridin.

Dhe ai e shfrytëzoi për mrekulli mundësinë për ta impresionuar Zinedine Zidanen në ndeshjen kundër rivalit lokal, Atletico Madridit, të premten mbrëma.

Mirëpo, në kohën kur u inkuadrua Kubo, Atletico veç po avanconte 6-1.

Kubo u inkuadrua në vend të Luka Jovic dhe dhuroi një paraqitje tejet kompakte.

Shikoni përmbledhjen e paraqitjes së tij në videon e mëposhtme.

Special talent ?https://t.co/3VXXnW6Xsm

— Best of Football (@BestofFootball8) July 27, 2019

Pas ndeshjes, fansat madrilenë e votuan atë si lojtarin më të mirë të “Los Blancos” në ndeshje. /Periskopi.com/