Sllovakët iu thanë ‘Kosova është Serbi’, tifozët e Feronikelit s’e dinë emrin e shtetit të tyre

Sllovakët iu thanë ‘Kosova është Serbi’, tifozët e Feronikelit s’e dinë emrin e shtetit të tyre

Tifogrupi i kampionit të Kosovës në futboll, Feronikelit, “tigrat e zi” kanë lënë shumë për të dëshiruar me mesazhin para ndeshjes së kthimit të skuadrës së tyre kundër Slovan Bratislavës në “Fadil Vokrri”, më 30 korrik.

Në mesazhin e tyre shkruhet: ”Të gjithë për Niklin, të gjithë për Shqipërinë. Kosova është Shqipëri”, shkruan Periskopi.

Reagim i çuditshëm ky kur marrim parasysh se “Nikli” luan nën ombrellën e FFK-së dhe prezantohet me flamurin e Kosovës nëpër garat evropiane.

Derisa u dëgjuan vazhdimisht brohoritmat e turpshme “Kosova është Serbi” gjatë ndeshje në Bratisllavë nga fansat vendës, ky reagim i tifogrupit është poashtu tejet tendencioz, marrë parasysh sakrificat e atyre që kontribuan në shtetndërtimin e Kosovës, e sidomos atyre që dhanë kontribut të madh në avancimin e futbollit kosovar.

Ndeshja e kthimit, sa për informatë, nuk zhvillohet në Shqipëri por në Kosovë, saktësisht në Prishtinë, më 30 korrik. /Periskopi.com/