Ronaldinho është bërë për keqardhje – nuk do ta besoni me cilin klub është duke negociuar

Padyshim se Ronaldinho ishte një prej futbollistëve më të mirë në botën e futbollit.

196 golat dhe 161 asistimet në karrierën e tij nënvizojnë këtë që thamë më lartë.

Braziliani shijoi sukses të madh në fushë, duke udhëhequr Kombëtaren e tij drejt lavdisë në Kupën e Botës më 2002, derisa gjithashtu fitoi Champions Leaguen me Barcelonën më 2006, transmeton Periskopi

Vitin e kaluar, 39-vjeçari u pensionua nga futbolli aktiv, duke i vënë perdet një karriere jashtëzakonisht të suksesshme.

Sidoqoftë, duket se magjistrari mund t’i rikthehet fushës këtë verë, derisa është në negociata me klubin maltez, Birkirkara.

Sipas “Times” nga Malta, është konfirmuar nga drejtori teknik i klubit, Michael Valenzia, se ish-fituesi i Kupës së Botës mund të rikthehet nga pensionimi.

“Mund ta konfirmoj se ekziston mundësia që Birkirkara FC ta transferojë Ronaldinhon,” tha ai.

“Nuk ka ende asgjë të konkluduar, por bisedimet po vazhdojnë dhe duhet të jemi të durueshëm për të parë si do të shkojnë gjërat.”

Vërtetë është e dhimbshme ta shohim një emër kaq të madh të futbollit botëror duke e degraduar veten në këtë mënyrë, derisa është i paqartë motivi që e ka bindur atë të rikthehet nga pensionimi. /Periskopi.com/