Momenti kur Ronaldo humb kokën dhe i kërcen në shpinë policit në fushë

Cristiano Ronaldo është padyshim një prej futbollistëve më të popullarizuar në botë, nëse jo më i popullarizuari.

Çdokush rreth e qark globit do të bënte gjithçka për ta takuar atë nga afër, transmeton Periskopi.

Por në realitet, për një fans të rëndomtë është thjesht e pamundur ta takojë superyllin portugez.

Jo vetëm që ai është jashtëzakonisht i zënë me aktivitetet e tij të futbollit, por ai gjithashtu ka jetën personale, gjë që ia pamundëson atij interaksionin e shpesht me fansa.

Kështu që disa fansa nganjëherë vendosin ta marrin çështjen në duart e veta dhe të ndërprejnë ndeshje të futbollit vetëm që të jenë sa më afër pesë herë “Topit të Artë”.

Saktësisht kjo ndodhi të martën kur një fans vrapoi nëpër fushë gjatë sesionit stërvitor të Juventusit në Nanjing të Kinës.

Mirëpo, para se ta kishte rastin të arrinte te Ronaldo, sigurimi e hodhi atë për tokë dhe e largoi.

Por gjatë tollovisë, Ronaldo reagoi në mënyrë tejet të çuditshme.

Në vend se t’i lejonte autoritetet ta kryenin punën, ai vrapoi dhe i kërceu në shpinë një polici.

Polici, njejtë si gjithë të tjerët, mbeti i befasuar.

Shikoni momentin në videon e mëposhtme. /Periskopi.com/

What’s Cristiano Ronaldo playing at here? ?pic.twitter.com/7bOoNMMMGO

— GiveMeSport Football (@GMS__Football) July 23, 2019