Momenti kur Costa brutalisht e shqelmon Carvajalin pasi ky i fundit ndërhyn shumë keq në Lemarin

Diego Costa do të mbetet Diego Costa dhe kjo gjë vërtetohet shpesh nga sulmuesi i Atletico Madridit. Në një mbrëmje të magjishme, bomberi me origjinë braziliane, shënoi katër gola në miqësoren ndaj Realit dhe tregoi se është në një formë perfekte.

Por, si mund të mungonte një sherr apo një situatë e trazuar ku nuk merr pjesë Diego Costa?

Dani Carvajal ka goditur me shqelm një prej lojtarëve të Atleticos, aty afër ishte Costa, i cili e ka parë dhe ka marrë vrull duke ia kthyer në të njëjtën monedhë mbrojtësit të Realit.

Kaq ka mjaftuar për ta kthyer fushën e blertë në një ring, ku janë mbledhur të gjithë lojtarët dhe na kujtuan zënkat që ndodhin në ndeshje zyrtare.

Padyshim që të dy lojtarët janë ndëshkuar me kartonë të kuq dhe kanë lënë skuadrat e tyre me 10 lojtarë. /Periskopi.com/