Guardiola ka përmendur lojtarin befasues si futbollistin më të talentuar që ka parë ndonjëherë

Pep Guardiola ka drejtuar disa lojtarë legjendarë ndër vite.

Te Barcelona, ai punoi me emra si Andres Iniesta, Xavi, Thierry Henry dhe natyrisht, Lionel Messi, transmeton Periskopi.

Diku tjetër, ai ka menaxhuar Arjen Robbenin dhe Franck Riberyn derisa ishte në drejtim të Bayern Munichut, derisa Sergio Aguero është me siguri më i talentuari te Manchester City.

Por sipas vetë Guardiolës, asnjë prej këtyre emrave që u përmendën nuk janë ose nuk kanë qenë më të talentuar se 19-vjeçari i Cityt, Phil Foden.

Para ndeshjes miqësore kundër Yokohama F. Marinos të shtunën, tekniku i “Qytetarëve” vlerësoi lartë mesfushorin tinejxher.

“Ai [Foden] ka gjithçka që të shëndrrohet në një prej lojtarëve më të mirë,” tha Guardiola.

“E kam thënë disa herë në konferenca për shtyp, por ndoshta nuk e kam thënë para tij, Phil është lojtari më i talentuar që kam parë ndonjëherë në karrierën time si trajner.

“Problemi i tij i vetëm është se nganjëherë trajneri i tij nuk e inkuadron në formacion startues. Shpresoj se në të ardhmen ai do të mund të përmirësohet.” /Periskopi.com/