Barcelona detyrohet t’ia kthejë makinat Audisë pasi përfundon marrëveshje e sponsorisimit

Pavarësisht se fitojnë miliona, futbollistët prapë marrin gjësende përshembull si makinat për zero euro.

Klubet e futbollit kanë marrëveshje sponsorisuese me kompani të ndryshme, dhe nga këto marrëveshje shpeshherë përfitojnë shumë edhe lojtarët, transmeton Periskopi.

Futbollistët e Barcelonës morën si dhuratë nga një makinë të tipit Audi sezonin e kaluar.

Ata patën rastin të zgjedhin modelet më të reja derisa kanë mundur të porosisin gjëra ekstra për enterierin brenda, sipas “The Sun”.

Tani, megjithatë, marrëveshja e sponsorisimit mes Barcelonës dhe Audisë përfundoi më 30 qershor dhe tani kompania ka kërkuar që t’i kthehen makinat, sipas “AS”.

Kompania u ka dhënë lojtarëve afat tre-javor për t’i kthyer ato. /Periskopi.com/