Agjenti e konfirmon largimin e Elseid Hysajt nga Napoli

Elseid Hysaj ka shumë pak gjasa të qëndrojë te Napoli këtë sezon, ka thënë agjenti i tij, derisa klube si Atletico Madridi, Tottenhami, Juventusi dhe Roma janë të interesuara.

Mbrojtësi shqiptar beson se koha e tij në klub ka përfunduar dhe ka kërkuar një largim këtë verë, por askush nuk ka ofruar 25 milionë euro për shërbimet e tij, aq sa kërkon Napoli, transmeton Periskopi.

“Do të shkoj në qendrën stërvitore nesër për të diskutuar situatën e transferimit të Hysajt,” tha agjenti.

“Hysaj ka pak gjasa të qëndrojë te Napoli dhe ne do të punojmë deri në fund të verës për ta dërguar te një klub tjetër, pasi Napoli aktualisht ka pesë mbrojtës krahu në skuadër.

“Besoj se koha e tij me këtë fanellë ka ardhur në përfundim.” /Periskopi.com/