Zyrtare: Lojtari nënshkruan kontratë pesë-vjeçare me klubin

Llapi ka nënshkruar kontratë afatgjate me mesfushorin defanziv, Ngadhnjim Mehmeti.

Mehmeti, i cili më parë ka qenë pjesë e shkollës së futbollit “Besa Lluzhan”, do të jetë pjesë e llapianëve për pesë vitet e ardhshme.

Më poshtë, njoftimi i plotë i klubit.

ZYRTARE: Ngadhnjim Mehmeti nënshkruan kontratë 5 vjeçare me klubin

Ngadhnjim Mehmeti ka nënshkruar kontratë profesionale me Llapin. Talenti llapjan inkuadrohet në ekipin e parë pas dy edicioneve të kaluara tek Juniorët me të cilët edhe u shpall kampion në sezonin e fundit.

Ngadhnjim Mehmeti, 19 vjeç, i lindur më 30.03.2000, i gjatë 1,81 m. Mesfushori defanziv karrierën e ka nisur tek Shkolla e futbollit “Besa Lluzhan”, pjesë e së cilës ishte deri tek Kategoria e Kadetëve e më pas ka kaluar tek 2 Korriku, ku ishte kampion i Kosovës në këtë kategori. Pas dy edicioneve tek Juniorët e Llapit ku pati paraqitje shumë të mira, klubi ka vendosur që me Ngadhnjim Mehmetin të nënshkruaj kontratë profesionale me kohëzgjatje 5 vjeçare. /Periskopi.com/