Prishtina sonte luan në parakualifikimet e Europa Leagues – ndeshet me kundërshtarin nga Gjibraltari

Prishtina sonte zhvillon ndeshjen në kuadër të parakualifikimeve për në Europa League kundër St Joseph’s me fillim nga ora 20:45.

10 herë kampioni i Kosovës luan ndeshjen e shtatë ndërkombëtare, derisa të gjitha i ka luajtur në kuadër të Europa Leagues, transmeton Periskopi.

Natyrisht, bardhekaltërit janë favoritë absolut pasi posedojnë kualitet më të madh në skuadër dhe gjithashtu luajnë në terren të vetë, “Fadil Vokrri”.

Kujtojmë se prishtinasit luajnë pa mungesa të theksuara, përveç ardhjeve të reja si Ahmed Januzi dhe Tun Bardhoku, të cilët ende nuk e kanë kompletuar dokumentacionin e transferimit.

Gjyqtarë të kësaj ndeshje do të jenë: Helgi Mikael Jonasson, Birkir Sigurdarson, Bryngeir Valdimarsson – Povaldur Arnason (Islandë). /Periskopi.com/