5 orë më parëKupa e Botës: BBC tregon 5 arsye pse futbolli i grave është më i mirë se ai i burrave
Periskopi(7 vite më parë)
(7 vite më parë)Ky kampionat botëror në kategorinë e burrave po përcillet anë e mbanë botës me kërshëri të madhe. Vetëm në Mbretërinë e Bashkuar është thyer rekordi i shikueshmërisë për një ndeshje, me 6,9 milionë që e shikuan Anglinë në përballje kundër Kamerunit. Por, ani pse futbolli i burrave mbetet në përgjithësi shumë më i popullarizuar, ka […]
Ky kampionat botëror në kategorinë e burrave po përcillet anë e mbanë botës me kërshëri të madhe. Vetëm në Mbretërinë e Bashkuar është thyer rekordi i shikueshmërisë për një ndeshje, me 6,9 milionë që e shikuan Anglinë në përballje kundër Kamerunit.
Por, ani pse futbolli i burrave mbetet në përgjithësi shumë më i popullarizuar, ka disa forma në të cilat ai i grave po fiton, shkruan BBC, përkthen Periskopi.
1.Vlera e parave
Në mënyrë që ta shihnit me sytë tuaj një ndeshje futbolli në Kupën e Botës Rusia 2018 vitin e kaluar, duhet të kishit goxha para. Për një vend të mirë në finalen e burrave mes Francës dhe Kroacisë duhet të paguaje mbi 1 mijë Euro.
Ndërkohë, në finalen e grave bileta më e shtrenjtë ishte diku 84 euro. Një ndeshje të zakonshme në kampionatin e sivjetmë botëror mund ta shihni për vetëm 9 euro.
2.Më shumë gola
Statistikat flasin vetë në këtë rast.
Deri tash, gratë i kanë shënuar mesatarisht nga 2,69 gola për ndeshje, duke e kaluar për pak mesataren e vitit të kaluar në Rusi te burrat që ishte 2,64.
3.Gratë iu përmbahen rregullave
Është vërtetuar po ashtu se gratë iu përmbahen më shumë rregullave se sa burrat. Burrat marrin kartona të verdhë e të kuq më shumë se gratë, shtiren se janë të lënduar më shumë, simulojnë më shumë, e zvarrisin lojën më shumë e kështu me radhë.
4.Gara globale
Fituesit e Kupës së Botës te kategoria e burrave kanë qenë nga vetëm tetë vende në dy kontinente – Evropë dhe Amerikë Jugore.
Deri tash, kupën e Botës për gra e kanë fituar katër vende nga tri kontinente dhe për çdo garë ka shansa reale për shumë ekipe që të dalin në fund fituese.
5.Mbështetja për komunitetin LGBT+
Është e turpshme të kuptosh që nuk ka asnjë lojtar hapur gay në Premier Ligë, kategoria e burrave .
Në vitin 1990, Justin Fashanu që kishte luajtur me ekipe si Norwich City dhe Nottingham Forest kishte qenë futbollisti i parë në Britani që kishte dalur hapur si gay.
Por, te gratë çështja ndryshon shumë.
Casey Stoney, që doli hapur si lesbike tha se homoseksualiteti ishte më i pranueshëm te futbolli i grave.
Edhe kapitenia e West Ham United, Gilly Flaherty tha sezonin e kaluar që ishte e tillë./Periskopi
