4 orë më parëDonald Trump kapet me kapitenen e ekipit amerikan të futbollit
Periskopi(7 vite më parë)
(7 vite më parë)Presidenti i Shteteve të Bashkuara të Amerikës, ngucakeqi Donald Trump, e ka kritikuar kapitenen e ekipit amerikan të grave në futboll Megan Rapinoe në Twitter, duke i thënë “mos e çndero vendin tënd” pasi ajo deklaroi se nuk do ta vizitonte Shtëpinë e Bardhë nëse do ta fitojnë Kupën e Botës. Trump tha se Rapinoe, […]
Trump tha se Rapinoe, e cila i ka shënuar dy penallti në ndeshjen kundër Spanjës që e çoi vendin e saj drejt çerekfinales, duhet “të fitojë para se të flas”.
Ai më vonë tha se do të ftonte ekipin kombëtar të grave në futboll edhe nëse nuk ia dalin të fitojnë Kupën e Botës.
Rapinoe, 33 vjeçare, ka qenë tepër e zëshme për çështje të drejtësisë sociale, përkthen Periskopi nga BBC.
Mbrëmë, edhe bashkëlojtarja Ali Krieger postoi në Twitter se i qëndronte pas kapitenes së saj që të mos vizitonte Shtëpinë e Bardhë.
Alex Morgan, sulmuesja e mirënjohur kishte thënë paraprakisht se nuk do ta pranonte një ftesë nga presidenti amerikan, po ashtu.
“Megani nuk duhet që kurrë ta çnderojë vendin e saj, Shtëpinë e Barrdhë, apo Flamurin tonë, veçanërisht meqë vendi ka bërë aq shumë për të dhe ekipin,” kishte postuar Trump.
“Bëhu krenare për flamurin që e mban. ShBA-ja është E MADHE.”
Duhet thënë se Trumpi fillimisht e kishte përmendur [bërë tag] një Megan tjetër, me vetëm dy ndjekës dhe jo lojtaren amerikane. /Periskopi
