Chelsea ka vënë një pritshmëri jashtëzakonisht të ulët për Frank Lampardin sezonin e ardhshëm

Frank Lampard pritet të konfirmohet si trajner i Chelseat në ditët e ardhshme.

Të hënën, Derby County konfirmoi se ka dhënë dritën e gjelbër që “Të Kaltërit” të flasin me Frank Lampardin dhe të fillojnë negociatat me të, transmeton Periskopi.

Nëse marrëveshja konfirmohet, atëherë ky do të jetë një emërim i çuditshëm nga Roman Abramovich.

Që prej kur erdhi te Chelsea më 2003, ai punësoi disa prej emrave më të njohur të botës – përfshirë Carlo Ancelottin, Luiz Felipe Scolarin dhe Rafael Benitezin.

Por Lampard është krejtësisht ndryshe nga ta.

Ai ka vetëm një sezon eksperiencë në menaxhim dhe ky emërim është bërë bazuar në performancat premtuese të tij në një kohë afatshkurte.

Marrë parasysh mungesën e eksperiencës së Lampardit në nivelin më të lartë, duket se pritshmëritë e Abramovichit janë të ulëta.

Sipas “Telegraph”, 41-vjeçari do të nënshkruajë kontratë tre-vjeçare dhe vetëm duhet t’i shmanget rënies nga liga për t’i shpëtuar shkarkimit në sezonin e parë.

Ky është kontrast i madh me objektivët që ish-trajnerët e Chelseat kanë pasur në të kaluarën. /Periskopi.com/