Bojkotohet projekti ekonomik i dhëndrit të Trumpit për zgjidhjen e konfliktit izraelito-palestinez

Projekti ekonomik i dizajnuar nga ShBA-të për paqen mes Izraelit dhe Palestinës do të prezantohet në Bahrein gjatë ditës së sotme, pa pjesëmarrjen e zyrtarëve izraelitë apo palestinezë.

Palestinezët kishin vendosur që ta bojkotonin konferencën ndërkohë që për këtë shkak u mor një vendim i vonë që të mos ftoheshin as izraelitët, shkruan Periskopi.

Ky projekt është bërë nga dhëndri i Trumpit, Jared Kushner, dhe po shihet si i kotë marrë parasysh animin e plotë të administratës Trump kah izraelitët.

Plani i thirrur “Paqja për prosperitet” i Kushnerit parasheh ndarjen e 50 miliardë Dollarëve për investime në territoret e okupuara dhe në vendet fqinje.

Kushneri i tha Reutersit të shtunën se plani do të krijonte miliona vende pune, do të përgjysmonte varfërinë te palestinezët dhe do të rriste ekonominë e këtij vendi.

Sidoqoftë, i gjithë ky plan çalon në zgjidhjen politike të konfliktit shtatë dekadësh mes këtyre dy popujve. /Periskopi