Zidane ka mbajtur takim privat me Balen për t’ia dhënë lajmin e bujshëm

Trajneri i Real Madridit, Zinedine Zidane tashmë ka filluar të mbajë takime private, një me një, me lojtarët e skuadrës për t’i informuar nëse do të qëndrojnë në klub nga edicioni i ardhshëm.

Gareth Bale, Marcos Llorente dhe Dani Ceballos janë tre lojtarët e parë të cilëve u është kumtuar fati, transmeton Periskopi.

“Marca” raporton se të treve u është thënë se do të largohen gjatë afatit kalimtar të verës.

Gareth Bale, me të cilin Zidane ka pasur kontakt të kufizuar që prej kur u rikthye në klub, ishte i pari që mori lajmin se shërbimet e tij nuk janë të nevojshme më për skuadrën, pas përfundimit të kësaj fushate.

Uellsiani po e konsideronte qëndrimin në “Bernabeu”, por duket se tani karriera e tij në klub ka përfunduar. /Periskopi.com/