Ylli i Liverpoolit thotë se ka qarë çdo ditë pas finales së CL-së vitin e kaluar

Mohamed Salah do të mungojë për Liverpoolin në ndeshjen e dytë gjysmëfinale të Champions Leagues, kundër Barcelonës.

Liverpooli humbi përballjen e parë me rezultat 3-0, dhe tani ka nevojë për një mrekulli në ”Anfield” për të kaluar në finale, transmeton Periskopi.

Por ”Të Kuqtë” do të duhet t’ia dalin pa shërbimet e lojtarit kryesor – Mohamed Salah.

Sulmuesi egjiptian u detyrua të largohet pas një lëndimi në kokë kundër Newcastlet, derisa protokolli për lëndimet në kokë nuk ia lejon atij pjesmarrjen në ndeshjen e ardhshme.

Salah sigurisht se do të jetë jashtëzakonisht i zhgënjyer për mungesën në ndeshjen më të rëndësishme të sezonit, por ai ishte përballur me diçka të ngjashme edhe në të kaluarën.

Ai ishte detyruar të largohej nga finalja e vitit të kaluar, kundër Real Madridit, në pjesën e parë pas dëmtimit që e pësoi në shpatull.

Tani, gati një vit pas incidentit, Salah është hapur në një intervistë emocionale për ”Bleacher Report”.

I pyetur për kujtimet e finales, Salah u përgjig: ”Është kohë e vështirë. Ishte shumë keq. E dini këtë, finalja e Champions Leagues.

”Ëndërr e madhe që ke për veten dhe qytetin, për fansat, për të gjithë që dëshirojnë ta fitojnë Champions Leaguen.

”Ju dëshironi gjithashtu ta fitoni për ta shkruar historinë. Ishte gjithashtu para Kupës së Botës, një muaj para Kupës së Botës.

”Kur u rrëzova, ndjeva diçka. Ishte sikur në mendje ndjeja dhimbje më të madhe se në trup sepse thjesht mendova ‘wow, Champions League ka përfunduar dhe Kupa e Botës ka përfunduar’. Dhe mendova ‘nuk e meritoj këtë’.

”Ndjeva diçka në krahëror menjëherë. Shkova në zhveshtore dhe thjesht po qaja.

”Shkoj në dhomë, qaj gati për çdo ditë. Është e vështirë kur e mendoj. Sepse është sikur diçka vrau ëndrrën tënde.

”Sikur, është finalja e Champions Leagues, Kupa e Botës. Por për një moment u zhduk. Është kaq e vështirë. Shumë e vështirë.” /Periskopi.com/