Xhaka në luftë me fansat: Nuk më intereson çka thonë, po e teprojnë duke folur

Mesfushori kosovar i Arsenalit, Granit Xhaka u është kundërpërgjigjur kritikave të fansave në rrjetet sociale duke mos u sprapsur fare me komentet.

Xhaka ishte lojtari më i mirë në fushë për skuadrën e tij, derisa “Topçinjtë” u mposhtën 4-1, të mërkurën mbrëma në finalen e Europa Leagues, transmeton Periskopi.

Duke folur pas vërshëllimës së fundit, Xhaka nuk është përmbajtur aspak ndaj kritikave të fansave.

“Nuk më intereson se çka flasin njerëzit për ne në rrjetet sociale. Ne e dimë se çfarë kualitetesh kemi, ndërsa njerëzit në rrjetet sociale mund të shkruajnë dhe të flasin çka të duan. Shumë njerëz ia teprojnë duke folur”, tha ai.

Ai po ashtu e ka shprehur zhgënjimin pas humbjes në finalen që u luajt në Azerbajxhan, ku Arsenali e kishte mundësinë që me një fitore ta siguronte edhe kualifikimin në Champions League.

“Natyrisht, ne jemi të dëshpëruar. Nëse e humb një finale nuk mund të jesh i lumtur. Të gjithë tifozët e Arsenalit, lojtarët, klubi, të gjithë janë të zhgënjyer”, vazhdoi ai.

“Ne nuk përfunduam në Top 4 në Premierligë. E kishim rastin e dytë sonte. Nëse nuk e shfrytëzon shansin, përfundon në Europa League”, shtoi Xhaka, i cili e ka analizuar ndeshjen e mbrëmshme.“Mendoj se luajtëm mjaft mirë në pjesën e parë. Kishim raste të mira në pjesën e parë. Ata shënuan herët në pjesën e dytë dhe më pas mendoj se e hapëm lojën shumë herët. Por, kur rezultati bëhet 2:0, merr fund gjithçka.” /Periskopi.com/

“It’s not only about the fans, it’s about us as well. We can’t be happy.”

“I don’t care what people on social media say. We know the quality.”

“People speak too much.” ?

Very honest from Arsenal’s Granit Xhaka speaking to @SamMatterface in Baku. pic.twitter.com/qB0vTaI45H

— talkSPORT (@talkSPORT) May 29, 2019