Te Kombëtarja e Kosovës janë dy lojtarë me emër dhe mbiemër të njëjtë – detyrat e tyre në fushë janë krejtësisht të ndryshme

Në listën e lojtarëve të ftuar te Kosova U-21 për ndeshjet e qershorit janë të ftuar tre lojtarë me emrin Lirim, por dy nga ta kanë edhe mbiemrin e njëjtë, Kastrati.

Lirim Kastrati është nga Malisheva dhe luan për skuadrën italiane Bologna, derisa Lirim Kastrati tjetër është nga Hogoshti dhe luan për Lokomotivën e Zagrebit.

Të dy pritet të jenë startues për ndeshjet e qershorit, por do të kenë detyra të ndryshme në fushë, njëri nga ta do të mbrohet, derisa tjetri do të tentojë që të shënojë, shkruan Periskopi.

Lirim Kastrati i Bolognas është mbrojtës, derisa Lirim Kastrati i Lokomotivës është sulmues, ky i fundit ka qenë pjesë e Kombëtares A në ndeshjet e kaluara.

Ndërsa, një tjetër futbollist me emrin Lirim e që është ftuar nga Rafet Prekazi për këto ndeshje ka mbimermin Mema dhe është pjesë e skuadrës gjermane Branuschweig.

Urojmë që ‘Lirimat’ të kryen detyrën e tyre më së miri në këto dy ndeshje, njëri t’i ndalë kundërshtarët e tjetri t’i shënojë atyre. /Periskopi/