13 minuta më parëShpërthen vullkani në Indonezi
Periskopi(7 vite më parë)
(7 vite më parë)Një vullkan ka shpërthyer në ishullin turistik indonezian të Balit, duke shkaktuar anulim të fluturimeve drejt Australisë. Në qiell është parë një re e madhe e hirit të liruar nga vullkani. Vullkani i malit Agung nxori lavë dhe gurë në largësi deri tri kilometra, ndërsa hiri i tij është shpërndarë në disa fshatra. Autoritetet nuk […]
Vullkani i malit Agung nxori lavë dhe gurë në largësi deri tri kilometra, ndërsa hiri i tij është shpërndarë në disa fshatra. Autoritetet nuk kanë raportuar për ndonjë vdekje.
Zyrtarët ofruan 50 mijë maska për banorët e zonës, ndonëse niveli i alarmit mbeti në shkallën e njëjtë dhe aktiviteti i vullkanit nuk u rrit. Autoritetet nuk kanë bërë zhvendosje të popullsisë.
Në fund të vitit 2017, zyrtarët e kishin shtuar nivelin e alarmit për shkak të rritjes së aktivitetit të këtij vullkani.
Në shpërthimin e vitit 1963, më shumë se 1000 njerëz kishin vdekur shumë fshatra ishin shkatërruar.
Ishulli i Balit, i cili është i famshëm për plazhet dhe tempujt e tij, tërheq rreth pesë milionë vizitorë në vit, shkruan “Reuters”.
