5 minuta më parëRiintegrimi i vështirë i të kthyerve nga Siria
Periskopi(7 vite më parë)
(7 vite më parë)Kthimi i më shumë se 100 qytetarëve të Kosovës nga zonat e konfliktit në Siri, sipas zyrtarëve të shtetit, nuk duhet të shqetësojë qytetarët e tjerë të Kosovës, pasi personat e kthyer nuk paraqesin rrezik për sigurinë në Kosovë. Koordinatori Nacional për Parandalimin e Ekstremizmit të Dhunshëm, Fatos Makolli, thotë për Radion Evropa e Lirë […]
Koordinatori Nacional për Parandalimin e Ekstremizmit të Dhunshëm, Fatos Makolli, thotë për Radion Evropa e Lirë se institucionet e sigurisë janë duke kryer punën e tyre.
Sipas tij, edhe pse disa prej të kthyerve janë luftëtarë të huaj dhe kanë marrë pjesë në konfliktet në Siri dhe Irak, nuk duhet krijuar panik për ndonjë sulm të mundshëm terrorist.
“Qytetarët e Kosovës duhet të ndihen të sigurt, institucionet e sigurisë janë duke i kryer detyrat dhe përgjegjësitë që i kanë. Është e vërtetë që një numër i qytetarëve kosovarë kanë pasur role udhëheqëse në zonat e konfliktit, por dihet fakti që shumica prej tyre kanë humbur jetën, janë vrarë në zonat e konfliktit, ku numri i të vrarëve tani kalon mbi 95 persona. Edhe kthimi i këtyre personave në Kosovë, katër luftëtarëve të huaj dhe familjeve të tyre, ka qenë në vazhdën e një procesi të detajuar të analizave të bëra nga institucionet e sigurisë dhe institucionet do të jenë në kryerje të detyrës”, thotë Makolli.
