Presidenti i klubit kosovar prezent në finalen e Kupës së Gjermanisë sonte

Presidenti i Prishtinës, Remzi Ejupi ka udhëtuar drejt Gjermanisë për ta përcjellur nga afër finalen e Kupës gjermane mes Bayern Munichut dhe Leipzigut, raporton Periskopi.

Njeriu i parë i FC Prishtinës është mysafir i Artan Statovcit në qytetin e Berlinit.

Kjo ndeshje po zhvillohet në stadiumin gjigant ‘Olimpiastadion’ në Berlin.

Kujtojmë se Bayerni në këtë edicion e ka fituar titullin e kampionit në Gjermani, kurse Leipzig ka treguar formë të jashtëzakonshme duke përfunduar në pozitën e tretë dhe siguruar Ligën e Kampionëve. /Periskopi.com/