Policia konfirmon përleshjet me thika mes tifozëve të Prishtinës dhe Llapit

Policia e Kosovës ka konfirmuar se dy persona janë lënduar dhe janë dërguar për trajtim në QKUK, pasi përleshjeve mes tifozëve të Prishtinës dhe Llapit.

Prishtina dhe Llapi u takuan sot në kuadër të javës së 31-të në Superligë, me kryeqytetasit që triumfuan me rezultat 1-0, shkruan Periskopi.

Lajmin për therrjen e gjashtë tifozëve të Llapit fillimisht e konfirmoi kryetari i tifogrupit “Legjendat”, por kjo u demantua nga “Plisat” me anë të një reagimi.

Tani, Policia e Kosovës ka potencuar se një person është therrur me thikë, nga dy të lënduar sa janë shtruar në QKUK.

“Rreth ores 19:30, nga QKUK, jemi njoftuar për dy persona të lënduar njëri prej tyre dyshohet të jetë i therur me thikë. Derisa personat po marrin trajtimin mjekësor, njësitet policore janë duke punuar në zbardhjen e këtyre dy rasteve që kane ndodhe në afërsi të sheshit Nëna Terezë, ku dyshohet se ka pase përleshje mes tifozëve pas një ndeshje futbollistike”, është thënë në reagimin e Policisë. /Periskopi.com/