Nuk do ta besoni shumën që fiton Alexis Sanchez sa herë që shënon ose asiston për Man Unitedin

Që prej pensionimit të Sir Alex Fergusonit, më 2013, klubi ka dështuar të fitojë ndonjë titull në ligë dhe ka përfunduar në top katërshe vetëm dy herë, transmeton Periskopi.

Ole Gunnar Solskjaer u emërua trajner i “Djajve të Kuq” në dhjetor, por dështoi të përmirësonte situatën, pavarësisht startit fantastik.

Fansat po kërkojnë ndryshime rrënjesore në skuadër, derisa emrat si Ander Herrera dhe Antonio Valencia janë konfirmuar se do të largohen këtë verë.

Një lojtar në veçanti që është kritikuar shumë është Alexis Sanchez.

Kiliani ka qenë totalisht jashtë elementit për lojë që prej kur u transferua në “Old Trafford” në janar të vitit të kaluar, në një marrëveshje shkëmbimi me Henrikh Mkhitaryan.

Sulmuesi ka shënuar vetëm pesë gola në 45 ndeshje në të gjitha garat, derisa shumë fansa e kanë hedhur në pikëpyetje etikën e tij të punës dhe përkushtimin ndaj klubit.

Tani është kuptuar se Sanchez – i cili ka një pagë javore prej 584 mijë eurove – merr bonuse me vlerë prej 86 mijë eurove sa herë që shënon gol, derisa shpërblehet me 28 mijë euro për çdo asistim. /Periskopi.com/