Mourinho i mëshon Barcelonës, i krahason me fëmijët u-14

Jose Mourinho e ka hedhur në pikëpyetje mentalitetin e Barcelonës, pasi klubi spanjoll kolapsoi kundër Liverpoolit në mënyrë spektakolare të martën, duke e krahasuar mbrojtjen e blaugranëve me një skuadër të grupmoshave nën-14-vjeç.

Barca u fut në përballjen e dytë gjysmëfinale të Champions Leagues me një avantazh prej 3-0, por u shkatërrua nga ”Të Kuqtë” në përballjen e dytë duke u mposhtur me rezultat 4-0 në ”Anfield”, transmeton Periskopi.

Liverpooli kaloi në finale me rezultat të përgjithshëm prej 4-3, transmeton Periskopi.

Pas ndeshjes, Mourinho – i cili kishte drejtuar rivalin e Barçës, Real Madridin nga viti 2010 deri më 2013 – kritikoi katalunasit dhe mori si shembull rastin e golit të katërt për ta përmbledhur mentalitetin e dobët të Barcës.

Trent Alexander-Arnold e zuri të hapur mbrojtjen e Barcelonës duke ekzekutuar me shpejtësi një rivënie këndore derisa gjeti Divock Origin, i cili shënoi golin e tij të dytë të natës për ta eleminuar Barcelonën.

”Nëse e shikoni atë gol në një ndeshje të grupmoshave nën-14-vjeç apo nën-15-vjeç, do të thoshit, ‘fëmijët po flenë, fëmijët nuk e kanë mentalitetin për të luajtur futboll, fëmijët duhet të mësojnë gjërat bazike të lojës’,” tha Mourinho.

”Por ne po flasim për lojtarët më të mirë në botë dhe të pranohet ai gol vërtetë tregohet një gjendje mentale speficike.” /Periskopi.com/