Milot Rashica e turpëroi ‘shqiponjën e penduar’ Xherdan Shaqirin: Del shumë më i mirë

Xherdan Shaqiri është një ndër futbollistët më të mirë me origjinë shqiptare. Ai i bëri krenar shqiptarët duke e bërë me duar shqiponjen vitin e kaluar në Rusi në ndeshjen kundër Serbisë në Kupën Botës “Rusia 2018”.

Së fundi ekipi i tij ia doli të shkonte sërish në finale të Ligës së Kampionëve dhe Shaqiri mund ta fitojë për herë të dytë trofeun më prestigjioz në Evropë. Natyrisht, duke e ngrohur bankën rezervë. Por edhe me kaq, nuk mund të mendohet se kjo nuk përbën sukses për 27 vjeçarin nga Zhegra e Gjilanit.

Sa ishte te Bayerni, për dy vite e gjysmë ai luajti 52 herë në Bundesliga dhe i shënoi 11 gola ose duke shënuar mesatarisht çdo të pestën ndeshje. Por, tashmë ylli i Kombëtares së Kosovës që doli nga lloçi i fushës së Vushtrisë e ka kaluar bindshëm rekordin e tij si golashënues, madje duke luajtur për një ekip më të dobët si Werder Bremeni.

Në vetëm 35 ndeshje të luajtura deri tash, Rashica i shënoi 10 gola e që përbën një mesatare prej çdo 3.5 ndeshje.

Suksesi i jashtëzakonshëm i Rashicës dëshmon se nuk është e thënë të refuzosh Kosovën a Shqipërinë për të fituar sukses individual. Tashmë, talenti nga Vushtrria po kërkohet nga një mori ekipesh tjera evropiane ndërkohë që karriera e Shaqirit po pëson ulje të mëtejme, me trajnerin Jurgen Klopp që vazhdon ta injorojë. /Periskopi