Messi Alpin kundër Messit origjinal – kush shkëlqen sonte në Anfield?

Liverpooli sonte e pret Barcelonën në Anfield për ta zhvilluar ndeshjen e dytë gjysmëfinale në kuadër të Ligës së Kampionëve

Ndeshje tejet interesante do të luhet në Anfield me Liverpoolin që do të kërkojë përmbysjen e rezultatit nga ndeshja e parë, ku Barcelona fitoi 3-0, raporton Periskopi.

?? ALLEZ, ALLEZ, ALLEZ ??

Big challenge ahead tonight. We never stop. We never quit ?#ThisMeansMore pic.twitter.com/rcP91pFngg

— Liverpool FC (@LFC) May 7, 2019

Xherdan Shaqiri pritet të jetë titullar për këtë takim pasi te Liverpooli do të mungojnë Mo Salah dhe Roberto Firmino shkaku i lëndimeve.

Ylli nga Zhegra ditë më parë në Premier Ligë dhuroi një asist fantastik për Origin në fitoren 3-2 të Liverpoolit ndaj Neëcastle, me The Reds që akoma janë në garë për titull, por që City është favorit absolut kur ka mbetur vetëm edhe një ndeshje për t’u luajtur.

Jurgen Klopp është kritikuar me të madhe nga tifozët e Liverpoolit për mosaktivizimit e Shaqirit në muajt e fundit, por sonte ylli shqiptar do të jetë në fushë nga minuta e parë, pasi tekniku gjerman nuk e ka në dispozicion Salahun dhe Firminon.

Shaqirit dikur iu referoheshin si Messi Alpin, derisa sot ai do të përballet me Messin origjinal, i cili javën e kaluar shënoi dy gola kundër Liverpoolit në Camp Nou, goli i dyti ishte thjesht kryeveper.

Në të kaluarën Messi dhe Shaqiri janë përballur në ndeshje ndërkombëtare, me argjentinasin që kishte dalë triumfues në fund.

27 vjeçari nga Zhegra e ka mundësinë e artë që edhe një herë t’i tregojë Kloppit se ka gabuar që nuk e ka inkuadruar atë në fushë në muajt e fundit.

Në anën tjetër, të gjithë e dimë se sa i mirë është Leo Messi dhe sa krucial di të jetë në këso lloj ndeshjesh. E dëshmoi në ndeshjen e parë ku edhe realizoi dy gola.

Pra, sonte me fillim nga ora 21:00 bota e futbollit dhe jo vetëm do t’i ketë sytë nga Anfield ku dy skuadrat me futbollit më atraktiv në botë do të kërkojnë kualifikimin në finale të Ligës së Kampionëve.

Vështirë, por jo e pamundur, një shqiptar mund ta udhëheq Liverpoolin drejt një natë të madhe sonte në Anfield. Të presim dhe të shohim se cili Messi do ta ketë fjalën e fundit, ai Alpin apo origjinali. /Periskopi/