8 orë më parëMërgimi s’e harron atdheun e tij, ylli kosovar merr pjesë në kuzhinën e iftarit me Halil Kastratin
Periskopi(7 vite më parë)
(7 vite më parë)Një pjesë e futbollistëve të Përfaqësueses së Kosovës kanë mbërritur në Prishtinë për dy ndeshjet e qershorit. Njëri prej tyre është edhe Mërgim Vojvoda, i cili ditë më parë zyrtarizoi edhe kalimin e tij te gjiganti belg Standard Liege. Vojvoda e ka shfrytëzuar kohën e tij në vendlindje edhe për të ndihmuar familjet skamnore, nën […]
Një pjesë e futbollistëve të Përfaqësueses së Kosovës kanë mbërritur në Prishtinë për dy ndeshjet e qershorit.
Njëri prej tyre është edhe Mërgim Vojvoda, i cili ditë më parë zyrtarizoi edhe kalimin e tij te gjiganti belg Standard Liege.
Vojvoda e ka shfrytëzuar kohën e tij në vendlindje edhe për të ndihmuar familjet skamnore, nën patronatin e Shoqatës Bamirëse ‘Jetimat e Ballkanit’, që udhëhiqet nga Halil Kastrati.
Mbrojtësi i djathtë ishte i pranishëm në kuzhinën e iftarit të kësaj shoqate ditët e djeshme, dhe me anë të një postimi në faqen zyrtare në Facebook ai ka marrë falënderime të shumta për veprim që ka bërë.
Mërgim Vojvoda nuk është i vetmi humanist i madh i ‘Dardanëve’, pasi ditë më parë disa prej futbollistëve kishin vendosur të ndërtonin një shtëpi për një familje skamnore.
Ndryshe, Kosova me 7 qershor do përballet me Malin e Zi në Podgoricë, ndërsa katër ditë më vonë luan me Bullgarinë në Sofje, në kuadër të kualifikimeve për Kampionatin Evropian 2020.
