Luftë e madhe për titull deri në fund – kështu duket tabela e Superligës dy javë para përfundimit të kampionatit

Skuadra nga Drenasi, pas kësaj fitore, kryeson në tabelën e Superligës me 74 pikë, dy më shumë se Prishtina një pozitë më poshtë, shkruan Periskopi.

Gjërat kanë mundur të shkonin edhe më mirë për “Niklin” sot nëse Prishtina dhe Llapi do të barazonin në “Fadil Vokrri”, derisa një gol nga Mërgim Pefqeli në minutën e 88-të ia siguroi vendësve tri pikë të rëndësishme, me ndeshjen që përfundoi 1-0.

Do të jetë interesante të shohim çfarë do të ndodh në dy javët e fundit, derisa Feronikelin e pret një ndeshje e vështirë kundër Llapit në xhiron e ardhshme, para se të ndeshet me prishtinasit në takimin e fundit për këtë sezon.

Gjithçka mund të ndodh, pasi Prishtina ka punë paksa më të lehtë javën e ardhshme, kur ndeshet me Trepçën 89 në “Fadil Vokrri”. /Periskopi.com/