Liverpool tregon se e pamundura s’ekziston: Shkatërrohet 4-0 Barça

Liverpooli ka bërë atë që pak e kishin pritur para kësaj nate.

Ka bërë rikthimin sensacional, duke e shkatërruar Barcelonën me rezultat 4-0, për të kaluar në finale të Champions Leagues.

Të gjithë e konsideronin Barcelonën si finaliste, pasi fitoi ndeshjen e parë në ”Camp Nou” me rezultat 3-0, shkruan Periskopi.

Mirëpo, ”Të Kuqtë” arritën të bëjnë rikthim sensacional, madje edhe më sensacional se ai në Stamboll më 2005, duke i shënuar plot katër herë gjigantit katalunas.

Football without Origi is nothing. #UCL #LIVBAR pic.twitter.com/kP06MmP7Ma

— PanditFootball.com (@panditfootball) May 7, 2019

Golat nga Divock Origi (7′, 79′) dhe Georginio Wijnaldum (54′, 56′) ia siguruan rikthimin e ëndrrave skuadrës së Jurgen Kloppit.

Ishte një ndeshje thjesht brilante. Ndeshje që vetëm dy skuadra të këtij niveli mund ta dhurojnë.

Intensiteti ishte nga një tjetër planet që nga minuta e parë e deri në minutën e fundit.

Në fund, Xherdan Shaqiri me shokë bënë atë që pak e kanë bërë.

Kujtojmë se Shaqiri luajti nga minuta e parë, para se të zëvendësohej në minutën e 90-të nga Daniel Sturridge.

Liverpooli është në finale të Champions Leagues për të dytin vit rresht.

”Të Kuqtë” tani presin fituesin e ndeshjes mes Tottenhamit dhe Ajaxit për të meësuar kundërshtarin e finales. /Periskopi.com/