Leo Messi e quajti ‘gomar’ yllin e Liverpoolit në tunel gjatë gjysmëfinales së CL

Rikthimi i Liverpoolit në gjysmëfinale të Champions Leagues kundër Barcelonës do të mbahet mend si një prej më sensacionaleve në histori.

Pasi u mposht 3-0 në përballjen e parë gjysmëfinale në “Camp Nou”, djelmoshat e Jurgen Kloppit arritën të bëjnë të pamundurën duke i mposhtur blaugranët 4-0 në përballjen e kthimit dhe për të vazhduar në finale, transmeton Periskopi.

Ishte një tjetër zhgënjim për Barçën, e cila u eleminua në mënyrë të ngjashme kundër Romës në vitin 2016.

Para finales fundjavën e ardhshme, James Milner ka zbuluar se Lionel Messi iu afrua në tunel, derisa të dy skuadrat po futeshin në zhveshtore – dhe argjentinasi pati diçka jo fort të këndshme për t’i thënë anglezit.

“Ai nuk ishte i lumtur,” u shpreh Milner. “Ai po më fliste shumë spanjisht në tunel pas pjesës së parë.

“Ai po më quante ‘burro’, i bie gomar, por gjithashtu mendoj se përdoret në futbollin spanjoll si term gjeneral për dikë që i godet njerëzit.

“E pyeta atë nëse ishte mirë, por ai nuk po dëgjonte. Nuk mendoj se ai e dinte që unë e kuptoj spanjishten.

“Ai tha: ‘Ajo ndërhyrje që ti e bëre, është sepse ta futa topin nën këmbë’. E lash me aq në atë moment dhe u futa në zhveshtore.” /Periskopi.com/