Kur karma punon kundër jush – Suarez kishte festuar në fytyrën e yllit të Liverpoolit në ndeshjen e parë

Luis Suarez vështirë se do të ftohet të luajë në “Anfield” për ndonjë ndeshje bamirësie në të ardhmen e afërt.

Më 2015, uruguaiani u rikthye te ish-stadiumi i tij pasi u pajtua të luante në një ndeshje bamirësie për “Liverpool Foundation.”

Katër vite më vonë, fansat e Liverpoolit mund ta kenë humbur tërë respektin për të, transmeton Periskopi.

Gjithçka filloi në ndeshjen e parë gjysmëfinale të Champions Leagues këtë sezon, derisa ai vazhdimisht po i irritonte kundërshtarët duke kërkuar nga gjyqtari ndëshkimin e tyre me karton të verdhë.

Mirëpo, ajo që i nervozoi më së shumti fansat e Liverpoolit është festimi i tij pasionant pasi Leo Messi shënoi kundër “Të Kuqve” në përballjen e parë.

Ai gjithashtu kishte beteja të vazhdueshme me Andy Robertsonin gjatë 90 minutave në Spanjë, gjë që nxiti edhe një përplasje në tunel pas pjesës së parë.

Dhe në videon që është publikuar tani, Suarez shihet duke festuar në fytyrën e mbrojtësit të majtë, kur Messi shënoi golin sensacional nga gjuajtja e lirë.

Para se të vraponte për ta uruar Messin, Suarez së pari festoi në fytyrën e Robertsonit.

Pas rikthimit të madh të Liverpoolit në ndeshjen e dytë në “Anfield”, ky moment tani duket shumë i sikletshëm për uruguaianin. /Periskopi.com/

Oh wow. Suarez laughed in Robertson’s face at the Nou Camp.

Fast forward to last night:

Reporter: “Luis Suarez took you out?”

Robertson: “Who’s going to the final?”pic.twitter.com/EGAcUhVD0m

— DaveOCKOP (@DaveOCKOP) May 8, 2019