Kërkesat e jashtëzakonshme të Allegrit të cilat Juventusi nuk e ka ndërmend t’i dëgjojë

Sipas “Sky Sports Italia”, Max Allegri ka bërë disa kërkesa të fuqishme për të qëndruar te Juventusi, përfshirë rritje page dhe autoritet më të madh në transferime.

Edhe pse disa burime potencojnë se trajneri dhe klubi tashmë kanë arritur marrëveshje për të përfunduar bashkëpunimin, disa të tjerë potencojnë se gjërat mund të ndryshojnë, transmeton Periskopi.

“Sky Sport Italia” potencon se kërkesat e Allegrit kanë ndikuar që klubi të mendojë për të ndarë rrugët me të.

Thuhet se tekniku italian po kërkon vazhdim kontrate deri në vitin 2022, me ngritje substanciale page.

Në marrëveshjen e re, Allegri kërkon autoritet më të madh në transferime dhe investime të mëdha në përforcimin e mbrojtjes dhe mesfushës.

Ai gjithashtu ka kërkuar shitjen e Paulo Dybalas, i cili nuk po përshtatet në sistemin e tij. /Periskopi.com/