“Këpuca e Artë” në Premier League: Për herë të parë në histori ndodh kjo

Për herë të parë në histori të Premier Leagues, “Këpuca e Artë” u ndahet tre lojtarëve.

Me ndeshjet e sotme është mbyllur edicioni 2018/19 në kampionatin anglez, shkruan Periskopi.

Manchester City është shpallur kampion në ditën e fundit të kampionatit, pasi grumbulloi vetëm një pikë më shumë se vendi i dytë, Liverpooli, transmeton Periskopi.

Sa i përket “Këpucës së Artë”, epo këtë fushatë ky çmim ndahet nga tre lojtarë.

Pierre-Emerick Aubameyang i Arsenalit, Mohamed Salah dhe Sadio Mane të Liverpoolit do ta ndajnë këtë çmim, pasi të tre kanë shënuar numrin e njejtë të golave – 22.

Kun Aguero vjen pas tyre, me plot 21 gola. Kujtojmë se kjo është hera e parë në histori të Premier Leagues që tre lojtarë duhet ta ndajnë trofeun që i jepet futbollistit që ka shënuar më së shumti brenda një edicioni. /Periskopi.com/