Joshua ka befasuar me komentet e tij për nokautin sensacional të Wilderit kundër Breazeales

Anthony Joshua do të mundohet t’i mbrojë titujt IBF, WBA Super, IBO dhe WBO në peshat e rënda kundër Andy Ruizit në Nju Jork, të shtunën mbrëma, por pyetjet në lidhje me Deontay Wilderin janë pjesë e pandashme e konferencave të tij për shtyp. Britaniku i pamposhtur ndeshet me Ruizin në “Madison Square Garden” të […]
Anthony Joshua do të mundohet t’i mbrojë titujt IBF, WBA Super, IBO dhe WBO në peshat e rënda kundër Andy Ruizit në Nju Jork, të shtunën mbrëma, por pyetjet në lidhje me Deontay Wilderin janë pjesë e pandashme e konferencave të tij për shtyp.
Britaniku i pamposhtur ndeshet me Ruizin në “Madison Square Garden” të Nju Jorkut më 1 qershor, shkruan Periskopi.
Sulmet mediatike ndaj njëri-tjetrit kanë qenë evidente në kohët e fundit, por Joshua tani ka dhënë komente të befasishme në lidhje me nokautin sensacional të Wilderit kundër Dominic Breazeales.

Mirëpo, britaniku e ka quajtur nokautin e amerikanit si “sensacional dhe të pabesueshëm.”
I pyetur nëse po tregohet sarkastik, Joshua përsëriti frazën e tij: “Jo, ishte aq i mirë. Nokaut i bukur.
“Doja që Breazeale të ngritej sepse dëshiroja të shihja më shumë aksion, e kuptoni çka dua të them? Isha në një kafene sporti në Majami duke e shikuar pas stërvitjeve, por e kreu punën si duhet.” /Periskopi.com/












