një orë më parëIshte kapiten i Serbisë por zgjedh Kosovën – Serbët shokohen nga talenti shqiptar
Periskopi(7 vite më parë)
(7 vite më parë)Arton Zekaj ka vendosur të jetë pjesë e Kombëtares së Kosovës për grupmoshjat nën 21-vjeç, duke refuzuar të vazhdojë të luajë për Serbinë, ku ishte edhe kapiten i këtyre grupmoshave. Talenti shqiptar ka lindur në Beograd derisa është rritur dhe krijuar si futbollist në Serbi, vend për të cilin kishte luajtur si kapiten i grupmoshave […]
Arton Zekaj ka vendosur të jetë pjesë e Kombëtares së Kosovës për grupmoshjat nën 21-vjeç, duke refuzuar të vazhdojë të luajë për Serbinë, ku ishte edhe kapiten i këtyre grupmoshave.
Talenti shqiptar ka lindur në Beograd derisa është rritur dhe krijuar si futbollist në Serbi, vend për të cilin kishte luajtur si kapiten i grupmoshave nën 21-vjeç, transmeton Periskopi.
Mirëpo, 19 vjeçari së fundmi e zgjodhi Kosovën pasi nuk pati shenja se do të ftohej nga ekipi U-21 apo A i Serbisë.
Dhe, me vendimin e tij janë shokuar serbët.
Mediat e vendit fqinj kanë shkruar për një vendim, sipas tyre të pazakontë dhe të papritur.
“Futbollisti serb vendosi ta lë Serbinë. Ai e ka thënë fjalën e tij dhe e ka shokuar opinionin me vendimin për të luajtur për Kosovën”, shkruan e përditshmja serbe “Alo” në versionin e saj online.
Edhe mediat tjera serbe i kanë kushtuar rëndësi dhe hapësirë vendimit të mesfushorit defanziv të ekipit francez Lille, duke e akuzuar atë për vendimin e marrë, sipas tyre, për të luajtur për një të ashtuquajtur shtet.
Megjithatë, Kosova është bërë pjesë e UEFA-s dhe FIFA-s nga viti 2016 dhe i gëzon të drejtat si të gjitha vendet tjera në botë. /Periskopi.com/
