disa sekonda më parëHahn: Rekomandojmë hapjen e negociatave për Shqipërinë
Periskopi(7 vite më parë)
(7 vite më parë)Komisioneri Evropian i Zgjerimit, Johannes Hahn gjatë prezantimit të progres-raporteve në Komitetin e Punëve të Jashtme të Parlamentit Europian u shpreh se Shqipëria ka ndjekur reformat e transformimit rrënjësor të sistemit të drejtësisë. “Ky është një shembull edhe për vendet e tjera. Të dyja vendet kanë bërë progrese. Në këtë bazë komisioni rekomandon hapjen e […]
Komisioneri Evropian i Zgjerimit, Johannes Hahn gjatë prezantimit të progres-raporteve në Komitetin e Punëve të Jashtme të Parlamentit Europian u shpreh se Shqipëria ka ndjekur reformat e transformimit rrënjësor të sistemit të drejtësisë.
“Ky është një shembull edhe për vendet e tjera.
Të dyja vendet kanë bërë progrese. Në këtë bazë komisioni rekomandon hapjen e negociatave për të dy vendet. Kushti kryesor është reforma në drejtësi”, tha Hahn.
Sipas tij ekonomia e vendeve të Ballkanit Perëndimor ka ende mungesa thelbësore që duhen adresuar.
“Ka emigracion të lartë dhe ulje të nivelit të lindjeve. Bashkimi Europian mbetet partneri më i madh i Ballkanit Perëndimor, por duhet të marrim parasysh investimet në rritje të Kinës, të cilat shumë shpesh neglizhojnë qëndrueshmërinë socio-ekonomike dhe financiare të vendeve ku investon”, tha Hahn.
