Feronikeli ka përgatitur një skenë fantastike për t’i festuar trofetë sonte në Drenas

Feronikeli i ka dy arsye të forta për të festuar sonte, pasi fitoi titullin në Superligë dhe së fundmi edhe Kupën e Kosovës.

Trofeun e dytë “Nikli” e fitoi mbrëmë, pasi mposhti Trepçën 89 me rezultat të thellë, 5-1, në “Fadil Vokrri”, shkruan Periskopi.

Në nder të një edicioni fantastik këtë fushatë, klubi nga Drenasi ka planifikuar një festë të madhe në sheshin “Fehmi Lladrovci”, sonte, me fillim nga ora 20:00.

“Ftojmë të gjithë fansat e Feronikelit, qytetarët e Drenasit dhe të gjitha viseve tjera të Kosovës e anë e mbanë, që të bashkohen me ne në festën për kampionët,” shkruhet në njoftimin e faqes zyrtare.

“Për argëtimin e të pranishmëve, do të përkujdesen edhe këngëtarët: Blero, Hekuran Krasniqi, Vjosa Emini, Xhezair Elezi (Xheza).

“Në skenë do të jenë edhe kampionët e Kosovës, së bashku me trofetë e fituar, prandaj mos hezitoni ti bashkoheni festës me ne. Shihemi në Drenas.” /Periskopi.com/