Conte tregon arsyen kryesore pse e zgjodhi Interin

Interi nga edicioni i ardhshëm do të udhëhiqet nga trajneri i njohur italian, Antonio Conte, shkruan Periskopi.

Ish-trajneri i Chelseat ka nënshkruar kontratë tre-vjeçare me ‘Nerazzurët’.

Conte ka treguar se e ka zgjedhur Interin pasi i ka besuar projektit të këtij klubi si dhe për shkak të historisë.

“Një kapitull i ri në jetën time po fillon,” ka thënë Conte.

“Unë jam shumë i gëzuar. Nëpërmjet punës sime, do të përpiqem të paguaj të gjithë besimin që Presidenti dhe drejtorët kanë vendosur në mua.

“Kam zgjedhur Interin për shkak të klubit që është, për shkak të bazës së shëndoshë të projektit dhe sa ambicioz është. Për shkak të historisë së Interit,” përfundoi Conte. /Periskopi/