Çfarë kishte ndodhur herën e fundit kur Joshua ishte ndeshur në Amerikë?

Për befasinë e të gjithëve, meçi i ardhshëm i Anthony Joshuas është kundër Andy Ruiz Jnr në “Madison Square Garden”.

Edhe pse ky meç është etiketuar si i pari i Joshuas në Amerikë, kjo nuk është domosdoshmërisht e vërtetë, transmeton Periskopi.

Është kuptuar tani se, si amator, Joshua kishte udhëtuar drejt Amerikës pëmes klubit të boksit “Finchley ABC” për t’u ndeshur me një boksier tjetër amator të quajtur J’Von Wallace.

Meçi ishte zhvilluar në “Hard Rock Cafe” të Las Vegasit para një turme vendëse, e cila nuk ishte e kënaqur me fitoren e Joshuas kundër boksierit nga Amerika.

“Rundi i parë ishte shumë i përafërt, por pastaj Josh ishte shumë i fuqishëm për kundërshtarin,” ka thënë ish-trajneri, Sean Murphy. /Periskopi.com/