Boksieri kosovar për birin e Arkanit: A ka më mirë se me rreh djalin e kriminelit

Boksieri nga Serbia dhe biri i kriminelit të luftës, Arkan, Velko Razhnjatoviq ka kërkuar të boksojë kundër boksierit kosovar, Petrit Mazrekaj.

Mazrekaj, i cili është nga Kosova por jeton dhe vepron në Austri, ka thënë se do ta ketë kënaqësinë ta rrahë birin e një krimineli, shkruan Periskopi.

“Djali i Arkanit me ka dërguar ofertë dhe e kam pranuar menjëherë, që të boksojë me të kah fundi i muajit gusht. Kësmet prej Zotit do të dal në ring, a ka gjë më të mirë si me t’u dhanë rastin e me rreh djalin e një kriminelit, siç ishte Arkani. Do të përgatitem mirë dhe do të jem në formë qind për qindtë”, tha Mazrekaj për gazetën “Bota sot”.

Pëndryshe, Mazrekaj bokson në kategorinë super të mesme në WBC. /Periskopi.com/