Balotelli ka regjistruar një statistikë të padëgjuar më parë pas përjashtimit të fundit

Mario Balotelli do të mbahet mend në histori si një prej lojtarëve më kontravers që ka pasur futbolli.

Sulmuesi italian njihet si një futbollist që gjithmonë ka bërë atë që ka pasur dëshirë, pa i menduar shumë pasojat.

Ai paksa është pjekur në vitet e fundit, por prapë mbetet një figurë tejet kundërthënëse, transmeton Periskopi.

Te Marseille ai e ka rigjetur formën e vjetër, duke shënuar tetë gola në 12 ndeshje.

“Super Mario” me shumë gjasë luajti ndeshjen e fundit për klubin të premten mbrëma, dhe gjithçka përfundoi në mënyrë tipike për të.

28-vjeçari u inkuadrua në minutën e 59-të në ndeshje, por u përjashtua me të kuq kur kishin mbetur edhe tre minuta lojë deri në fund.

Italiani vendosi të bëjë një ndërhyrje të rëndë nga prapa në Daniel Congren dhe me të drejtë u përjashtua.

Shikoni videon e mëposhtme.

Balotelli red card for this tackle from behind. The ideal way to leave a club. pic.twitter.com/RbR0alWJ10

— Juniuer (@juniuer) May 24, 2019

Ky ishte përjashtimi i 12-të në karrierë për lojtarin, derisa e ka bërë këtë te gjashtë skuadra të ndryshme, gjë që nuk ka ndodhur më herët në futboll. /Periskopi.com/