Askush nuk po i përmend statistikat befasuese të Lewandowskit këtë sezon

Robert Lewandowski nuk po i merr lavdatat që i meriton këtë sezon.

Ylli i Bayern Munichut vazhdimisht ka qenë një prej sulmuesve më të mirë në futboll, por në vitet e fundit ai nuk është përmendur shpesh.

Ndoshta jemi mësuar aq shumë me golat e tij, saqë nuk janë më aq interesante të përmenden, transmeton Periskopi.

Sulmuesi polak i dha fund sezonit me titullin në Bundesligë dhe Kupën gjermane, derisa u shpall top golashënuesi në kampionat për herë të katërt.

Ai përfundoi sezonin mbi emrat si Mohamed Salah, Pierre-Emerick Aubameyang dhe Cristiano Ronaldo në listën e “Këpucës së Artë” evropiane.

Ai në total ka shënuar plot 22 gola në Bundesligë, shtatë gola në Kupë në vetëm pesë ndeshje, tetë shënime në po aq ndeshje në Champions League dhe një hat-trick në Superkupën gjermane.

Statistikat e tij kanë kaluar nën radar, por ai ka akumuluar plot 40 gola në 47 ndeshje, përfshirë edhe 13 asistime.

Kjo nënkupton se Lionel Messi është lojtari i vetëm që ka shënuar më shumë gola se ai në të gjitha garat këtë sezon, duke kaluar Kylian Mbappen me vetëm një gol më shumë. /Periskopi.com/