Arsenali në finale të Europa Leagues – Chelsea kërkon fitoren në vazhdime kundër Frankfurtit

Arsenali ka arritur të kalojë në finale të Europa Leagues, pasi mposhti 4-2 në udhëtim Valencian në përballjen e dytë, ndërsa Chelsea nuk arriti më shumë se një barazim 1-1 me Eintracht Frankfurtin pas 90 minutave lojë, me ndeshjen që ka shkuar në vazhdime.

“Topçinjtë” kishin fituar përballjen e parë në Londër me rezultat 3-1, dhe nuk lejuan befasi në takimin e kthimit, duke fituar 4-2, shkruan Periskopi.

Hat-tricku i Pierre-Emerick Aubameyangut (17′, 69′, 88′) dhe një shënim nga Alexandre Lacazette (50′) ia siguruan fitoren londinezëve, derisa Kevin Gameiro shënoi të dy golat për vendësit në minutat 11′ dhe 58′.

Në anën tjetër, Chelsea nuk ka arritur më shumë se një barazim 1-1 me Eintracht Frankfurtin në “Stamford Bridge”, derisa ndeshja ka shkuar në vazhdime.

Full-time: Chelsea 1-1 Eintracht Frankfurt.

We’re heading into extra-time to settle this one!#CHEFRA pic.twitter.com/BgqMnA3ehy

— Chelsea FC (@ChelseaFC) May 9, 2019

Ruben Loftus-Cheek kaloi “Të Kaltërit” në epërsi në minutën e 28-të, por Luka Jovic barazoi në minutën e 49-të.

Me rezultat identik kishte përfunduar edhe përballja e parë në Gjermani, kështu që vazhdimet ose penalltitë do ta vendosin fatin e takimit.