Ajo që sapo ka thënë El-Hadji Diouf për Jamie Carragherin është thjesht brutale

”Nata më e madhe në histori të ‘Anfieldit’.”

Ky ishte postimi i Jamie Carragherit në Twitter, vetëm disa minuta pasi Liverpooli e kishte siguruar finalen e Champions Leagues.

Vetë mbrojtësi kishte ndihmuar ”Të Kuqtë” të arrijnë në dy finale të kompeticionit, më 2005 dhe 2007, transmeton Periskopi.

Pasi ka bërë 737 paraqitje për klubin, Carragher është një njeri që gëzon autoritet të madh në mesin e fansave.

Sidoqoftë, pavarësisht këtyre paraqitjeve, një person mendon se Carragher nuk kishte qenë aspak lojtar i mirë.

E ai është ish-sulmuesi El-Hadji Diouf.

Diouf është munduar të qëndrojë relevant që prej kur u pensionua, duke kritikuar vazhdimisht Steven Gerrardin dhe Carragherin.

Dhe këtë fundjavë ai sulmoi përsëri Carragherin.

Duke folur për ”BeIN Sports”, Diouf tha se Carragher kishte dy ”këmbë të majta” dhe se nuk do ta kishte këtë karrierë po të mos kishte qenë vendas i Liverpoolit.

”Ai ishte lojtar që gjuan me të djathtën por me dy këmbë të majta. Po të mos ishte vendas, bir i Liverpoolit, ai kurrë nuk do ta kishte këtë karrierë që e ka,” tha Diouf.

Sulmuesi senegalez ka bërë 80 paraqitje për Liverpoolin, duke shënuar gjashtë gola. /Periskopi.com/