Ajaxi po i jep shkollë Tottenhamit – me plot meritë mbyll pjesën e parë me epërsi

Ajaxi vërtetë po tregon formë të jashtëzakonshme në Champions League këtë edicion.

Djelmoshat e Erik ten Hag kanë qenë brilantë në rrugëtimin drejt gjysmëfinaleve, aty ku po u japin shkollë anglezëve të Tottenhamit, shkruan Periskopi.

Pas triumfit 1-0 në Londër në ndeshjen e parë, holandezët gëzojnë një epërsi 2-0 pas pjesës së parë në Amsterdam.

Fillimisht, Matthijs de Ligt kaloi vendësit në epërsi me anë të një goli me kokë në minutën e pestë.

Mirëpo, goli më i bukur i mbrëmjes erdhi në minutën e 35-të, kur Hakim Ziyech shfrytëzoi për mrekulli asistimin e Dusan Tadicit dhe shënoi me anë të një goditje të fuqishme brenda zonës.

Ky është verdikti i pjesës së parë – gjithçka është e mundur në intervalin e dytë. /Periskopi.com/